Manda Carallo
[wzslider transition=”‘slide'” lightbox=”true”]
Como cada ano celebramos o noso especial e único Samagostín o día 30 de outubro. En 2014 a tradición persiste volvendo un ano máis co terrorífico e espectacular concurso de decoración de cabazas e disfraces. Animándose tamén a disfrazarse algúns profesores e profesoras.
Ao concurso de cabazas presentáronse varios exemplares tallados á man. A gañadora foi creación da alumna Noa García Nogueiras do curso 1º ESO C. Nela observábase un verdadeiro retrato, con todo tipo de detalles, tallado na cabaza.
O segundo concurso consistía en premiar os mellores disfraces. A participación foi maior: os corredores do centro escolar estaban ateigados de alumnas, alumnos e algúns profesores guiados polo espírito de Samaín: dende osos panda ata zombies viventes. Os gañadores na categoría de comparsa foron: Jesús Giráldez, Martín Giráldez e Xian Faro; e na categoría de disfraces individuais: Uxía Cosquet e Diego Anido.
TEXTO: Ana García & María Alonso / FOTOS: Almudena
