Visitando o pasado

Que pasaría se viaxásemos ó pasado?

En Salinae fano dun xeito moi especial. O único que tivemos  que facer foi baixar sete metros de escaleiras para atoparnos na época dos romanos. Xa acomodados, o guía daquel salgado lugar presentounos  un antigo cidadán daquela época.

Sorprendéronnos os diferentes usos do sal e a importancia que lle daban, porque non somos conscientes da súa importancia no día a día; cousas tan básicas como a  conservación de alimentos, a elaboración das prendas, ou algo tan importante para nós como o salario, constituían para os romanos o seu duro traballo cotián.

Como xa eran horas, convidáronnos a unha comida romana. Ó principio todos estabamos ansiosos por probar aquelas aparentes delicias, estas ganas remataron cando observamos as caras dos nosos atrevidos compañeiros.

Cun estómago cheo e un alento pouco agradable despedímonos dos romanos e regresamos ás nosas aulas.

Texto: Elena Estévez , Laura e Helena.

Fotos: María Teijeira

[wzslider]