O peor e o mellor de Londres

O pasado mes de abril, os alumnos de 4º de ESO visitamos a capital británica. Aínda que empezamos con algúns contratempos, como que nos aplazaron a excursión dous días, tivemos que esperar case dúas horas polo bus no aeroporto, non nos deixaron pasar na London Eye o día que o tiñamos planeado…pasámoslo xenial e coñecimos a cidade de medo. Visitamos os lugares máis coñecidos, como Piccadilly Circus, o London Eye, o Buckingham Palace, o Big Ben, Hyde Park… Incluso o último día, cando iamos de camiño ao Natural History Museun cruzámonos coa Reina no seu coche! Mercamos moitos recordos tanto para nós como para a nosa familia, e puidemos explorar durante unha tarde a zona que quixéramos de Londres, xa que tivemos unha tarde entera libre.